مدونــــــــــــتـــــــــــــــــــــي

**معلومات** **العضو** · 17-05-2013, 10:07 AM

الله يصبحك بالخيرات يالغالي=ياتوأم الروح يانبع الوفاء كله

أنت أول الناس في قلبي على التالي=ماغيرك أحد (ن) قدر يدّخله ويتله

**معلومات** **العضو** · 29-08-2013, 04:29 PM

عيّدت بـ ...... ولا عاد من عيد=ليتي معيّد ياولد في مكاني

ماغير ذود مهجنات ومفاريد=وحشو (ن) بها رب العباد إبتلاني

متى يجي في بعض الأحوال تجديد=متى على الله يبتسم لي زماني

وأفتك من بعض الوجيه المقاريد=وأعيش بأفراحي وعيد وتهاني

**معلومات** **العضو** · 08-10-2013, 10:09 AM

دايم تصبّـحني نظر عيني بخير=جعل السعاده والهناء في صباحه

صباح كل الناس غيره وهي غير=ورد وعسل وإحساس شوق ٍ وراحه

**معلومات** **العضو** · 01-12-2013, 09:54 AM

صدفه لقيته في محل الأواني=وأضنها صدفه عن ألفين ميعاد

من شفتها وأنا تلخبط كياني=مدري أكلمها أو أقفي على عناد

عرفتها وهي بنفس المكاني=وهي بعد عينه عليّ بنت الأجواد

بعيونها قريت حرف الأماني=بين الرجاء والخوف أقرأ وينعاد

وأقفيت ماخاطب لسانه لساني=ماودي أعطيها أمل منبع الضاد

مع إن قلبي ماهوى قلب ثاني=غيره ولكن راحتي وضع الإبعاد

**معلومات** **العضو** · 09-01-2014, 01:01 PM

في ذمتي محد (ن) بحبك جبرني=من خاطري مع القناعه هويتك

وفي ذمتي طبعك هو اللي قهرني=وخلاني أبعد وإبشر إني نسيتك

رح بشـّـر إحساسك ومنهو خسرني= إن الغلا ما مر من جنب بيتك

**معلومات** **العضو** · 28-01-2014, 09:55 AM

دنيا غريبه والأوادم غريبه=هو البلا بالناس وإلا من الناس

ماهيب صدفه من عرفته عجيبه=الراس ماعاد إبمحله هو الراس

**معلومات** **العضو** · 11-02-2014, 10:34 AM

بيديك نـنـهـي وضعنا لو طغيتي=خوذي قرار وخطوة إيجاب قدام

وتلقين منهو يحتويك إن بغيتي=من بعد ماذقتي مرارات الأيام

ماقلت لك لا تـندمين إن لغيتي ؟=علاقتي وأنتِ مصيرك للإعدام

**معلومات** **العضو** · 02-04-2014, 10:01 PM

يا بو حمد لا حدني يمك الشوق=ووجهت لك من نقوة الورد باقه

إقبل هدايانا على أساس هي ذوق=ماجت على ماقيل غصب وطفاقه

شريتها بأغلى ثمن سلعة السوق=كان أنت ودك بيننا بالعلاقه

منته مثل دحش (ن) على كل طاروق=هيجن وغنى بالعلوم الدقاقه

يوم إنها وصلت لصوره وصندوق=هربد وعربد بالوزا والحماقه

قله يجنب عن جملنا مع النوق=وإلا يتحمّل من تقـفاه ساقه

ماني مراعي للثعالب وأبا الطوق=ماهيّبت سحم الظواري إنطلاقه

ياشين بعض الناس لا صار طابوق=وياملغ بعض الناس مخه طباقه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)