دكات عنيزة مركز الإرشاد الأسري

العودة   دكات عنيزة > الدكات المتخصصة > دكة الأدب والشعر

دكة الأدب والشعر لأصحاب الذوق الرفيع في الشعرالفصيح والنبطي

إضافة رد
 
أدوات الموضوع انواع عرض الموضوع
 
قديم 08-07-2004, 03:22 AM   #1
افتراضي

<div align="center">السلام عليكم

يمكن كلامي بيزعل ناس كثيرين .

بس والله اللي بتقرونه كله لاني احب عنيزة واهلها


العام الماضي في الامسيه الشعريه الرئيسيه او الختاميه ان صح القول

كان الشاعر هو نايف صقر حتى قبل الامسيه باسبوعين او اكثر شوي

بعدين تغير الشاعر الى حامد زيد

وطبعاً محد تضايق من هذا التغيير لسببين

الاول ان نايف صقر كان يعاني من مشاكل صحيه ومعه عذره

الثاني ان حامد تفوق على نايف صقر وعلى كثير من الشعراء بفتره بسيطه

طبعا تفوق عليهم شعرياً اقصد ( وليس اعلامياً)

وكون قاعده جماهيريه بفتره قصيره

لانايف صقر ولاجيله قدروا يكونونها بسنوات


انا من محبي نايف صقر بس كلمة الحق لازم تنقال


سقوط لجنة التنشيط اذا كان ماقريته بدليل التنشيط صحيح هو دعوة الشاعر خالد المريخي

نعم فخالد له جمهوره ويعتبر اضافه للمهرجان هذي السنه

بس كان فيه ناس متفائلين ان اللجنه الخاصه بدعوة الشعراء تطوّر

بس للاسف بدعوة المريخي انا اعتبرها سقوط او انحدار

فهو ليس في مستوى الحدث

كان من المفروض من اللجنه انها تجيب شاعر له مكانته

مثلاً (مساعد الرشيدي _ نايف صقر _ عبدالعزيز بن سعود _ طلال السعيد)

هذه بعض الامثله وماكنت اقصد تحديد هالشعراء

بس يكون ضيف عنيزة هو خالد المريخي !!!!!!!!!!!!!!!!!!!!!!!!

من وجهة نظري (واكرر من وجهة نظري ) ان الامسيه راح تكون اشبه بعرض ازياء

وعرض ادوات مكياج

وماراح يكون فيه شعر في هذه الليله

هالسنه راحت وصار الاتفاق

بس اتمنى في السنه الجايه يكون اسم الشاعر على مستوى المهرجان

بالتوفيق لخالد المريخي

وبالتوفيق للجنة التنشيط السياحي والله يعطيكم العافيه

وكلامي والله قلته

لاني شفت ردة فعل الصحف الكويتيه والمواقع الشعريه عن امسية حامد زيد العام الماضي

لكن هالسنه اتمنى اللجنه ماتندم لانها دعت خالد المريخي

ويمكن الاغلبيه يعرف وش صار في امسيات المريخي بالكويت ودبي والبحرين والشرقيه

وكل هذي المهرجانات تتحسف انها قدمت دعوه لهذا الشاعر(اذا صح نسميه شاعر)

كل التحيه لجمهور المريخي واتمنى انهم يستمتعون بالامسيه


واعيد واكرر انها وجهة نظر متواضعه من شخص يُعتبر اقلكم في نقد الشعر والشعراء </div>













توقيع - ماجد الشمري



  رد مع اقتباس
 
 
قديم 08-07-2004, 05:15 AM   #2
افتراضي

السلام عليكم ...

ماجد الشمري ...

هلا والله وغلا بالسناعيس .. يا بعد الدنيا والله .

عز الله انك جبته على الجرح ....


وينكم يا أهل ( شعراء عنيزه الشعبيون ) !!!!

اجل خالد المريخي !! . مع احترامي له شخصيا .. لكن القصيد كيف الحال ؟؟؟

وينكم يالسناني والسلامه والعيدهي والشبل والخراز والهندي والمطلق والحريقي !!

الصامت ... آه بس !! ناظر يا بعد الدنيا وش قاعد يصير .. ولك الف تحيه .

أخواني الاعزاء بالدكات .. اسف على هالدخول الشين !!

والحقيقه أتشرف اني أنضم لكم .. واكون احد اعضاء هذا المنتدى الرائع .

الوسمي ... محارب الزله (( مبروك ما سويت يا بعدي )) وجميع الاعضاء الكرام اتمنى قبولي بينكم .

ويا حبيل عنيزه واهله ..... تحياتي للجميع ...











  رد مع اقتباس
 
 
قديم 08-07-2004, 05:37 AM   #3
افتراضي

<div align="center">هلالالالالالالالالالالالالا وغلالالالالالالالالالالالالا بابو حمد

نورت الدكات

بس وش هالجيه ؟

والله العظيم اني كنت متوقع انك مسجل مبطي

بس استغربت ان هذي اول مشاركه لك

يبيلك موضوع مستقل نرحب فيك يابعدي تستاهل والله


بالنسبه للموضوع

شعراء عنيزة حتى لو شعرهم عادي او انتاجهم الشعري قليل

لازم نشجعهم ونوقف معهم لانهم عيال ديرتنا

بس نروح نجيب المريخي اللي اعتبر اصغر شاعر بعنيزة افضل منه بمراحل

هذا اللي يقهر

اما بالنسبه للصامت

احب اقول له الله يرجعك بالسلامه

ولاتبخل على عنيزة بقصيدك

كنت اتمنى من الصامت انه هو اللي ينزل قصايده بالمنتديات

ويسوي امسيات

بس الشباب مايقصرون وخاصه الوسمي الله يعطيه العافيه بكتابة قصايد الصامت

والله العظيم لو انا المسؤول عن اختيار الشعراء بالتنشيط

اول واحد اقدم له دعوه (( الصامت ))



ماجد المغيولي . . . فرحت بشوفة هالاسم

وحياك الله يالغالي بين اخوانك</div>













توقيع - ماجد الشمري



  رد مع اقتباس
 
 
قديم 08-07-2004, 09:08 AM   #4
افتراضي

السلام عليكم ...

مااااجد الشمري ....

هلا بك يا بعد الدنيا .. تسلم والله على ترحيبك اللي يوم قريته .. طحت من الكرسي وخنقتن العبره !! .. الا قعدت أصيح .

تسلم يا ماجد .. ولا موضوع مستقل ولا هم يحزنون .. الواحد ما يرحب به بين اخوانه واهله وناسه .
شاكر ومقدر لك شعورك النبيل...

تحياتي لك وللجميع ...











  رد مع اقتباس
 
 
قديم 08-07-2004, 01:42 PM   #5
افتراضي

ماجد المغيولي مسير علينا يالله حيه وياليت نشوف من مشاركات ماجد اللي تنعش القلب
الأخ ماجد الشمري كلامك في محله بس لاتنسى إن الشاعر الهندي والحريص وهم من عنيزة موعد امسيتهم إنشاءالله يوم الثلاثاء القادم واعتقد من وجهة نظري
ان جلب شعراء مشهورين يشجع على جذب جمهور من خارج المنطقة وهذا هدف البرنامج السياحي والله اعلم













توقيع - حمودي

<div align=\"center\"></div>

  رد مع اقتباس
 
 
قديم 08-07-2004, 03:19 PM   #6
افتراضي

اخوي ماجد الشمري بعد ان قرأت موضوعك افكر معقول مافي عنيزة شعراء علشان نستعين بالغير
مفروض يبتداء بالشعراء الكبار ومن ثم تشجيع للشعراء الشباب
صراحة من شاف شعراء العام الماضي ماشاف شي زود فية عيبنا نستعين بالغير بكل شيء
وهذا عيب المسؤال عنة القائمين علي التنظيم النجاح ماهو الاستعانة بالغير
النجاح بالاعتماد علي النفس

علشان يكون ناجح بجهودنا ومن قال مافي عنيزة شعراء يكذب بس كيف يطلع الشعر بالتشجيع

هذا رايي اانا شخصبا للغير راي اخر( المفروض تشجيع شبابنا من خلال هذا السياحي) وشلون تبون يطلع شعراء
وانتم تقتلون المواهب

لاتزعلون علي
بس قلت هذا راي شخصي


اختكم
غيووم













توقيع - غيووم

  رد مع اقتباس
 
 
قديم 08-07-2004, 06:33 PM   #7
افتراضي

والله ياخواني مازيد على كلامك شي ..

ولكن على مااعتقد ان دعوة الشاعر خالد المريخي هو بسبب شعبيته الكبيره وخاصة لدى الشباب .. وهذا سوف يلفت الأنتباه لفعاليات سياحي عنيزة .

ويااخوان حنا مالنا الا نقول لكل مجتهد يعطيك الله الف عافيه ولا تاتي الأخطاء الا من المجتهدين وهذا امر طبيعي .

وأن شاء الله تكون مشاركه ثانية لشعار كبار وخاصة شعراء عنيزة .

لك خالص الشكر اخي ماجد على حرصك وهتمامك .. والله يحفظك













توقيع - الوسمي

يامغادر بلادك رافقتك السلامة ... لو فراقك على روح تحبك فجيعه

  رد مع اقتباس
 
 
قديم 08-07-2004, 07:07 PM   #8
افتراضي

اخوي ماجد الشمري

بدايه اشكرك على حرصك وحماسك

لكن ياخوي حسب علمي والمعلومات الي عندي شبه اكيده ان خالد المريخي ليس الشاعر الوحيدالذي له امسيه شعرية في عنيزه بل هم على حسب علمي :

يوم السبت 22\5

الشاعر نايف صقر

ويوم الأحد على ما اعتقد

سليمان المانع و وعبد العزيز الفراج

وفي يوم آخر الشاعران فهد المساعد و ضيدان المريخي

وفي يوم آخر شاعر عنيزة الكبير احمد الهندي مع شعيل الحريّص

وفي الختام يوم الجمعه الشاعر خالد المريخي

ايضا من شعراء المحاورة هناك :

الشاعران الكبيران مستور العصيمي و تركي الفين

اخوي ماجد هذا هو العلم الأكيد ان شاء الله

وذا هو ضننا بشباب عنيزة !!

اذا ارادوا عمل شئ فتأكد انه سيخرج على الوجه الأكمل .

حبيت اوضح الي عندي ولك ولكل الأعضاء المشاركين كل تحيه واحترام

اخوكم الصافي












اوسمتي



توقيع - $f الصافي f$

  رد مع اقتباس
 
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
~*~ أحوال المتزوجين...الله يخلف ~*~ الغاليه دكة عالم الأسرة والمجتمع 12 18-03-2007 05:55 PM
~*~ أحوال المتزوجات...الله يخلف ~*~ الغاليه دكة عالم الأسرة والمجتمع 9 22-02-2007 08:39 PM
قالو لي الشعر قلت الشعر بعنيزة منقاش دكة الأدب والشعر 4 18-02-2006 12:15 AM
عنيزة في الشعر الجاهلي الجنرال دكة الأدب والشعر 2 22-02-2004 05:40 PM

Preview on Feedage: %D8%AF%D9%83%D8%A7%D8%AA-%D8%B9%D9%86%D9%8A%D8%B2%D8%A9 Add to My Yahoo! دكات عنيزة Add to Google! دكات عنيزة Add to Feedage RSS Alerts دكات عنيزة

الساعة الآن 06:31 AM



Powered by vBulletin®
استضافة Copyright ©2000 - 2018, vBulletin Solutions, Inc.