شكواى مواطن من سكان البديعة ضد مراقب من المصلحة

[معلومات العضو شـعــف عضو مشارك إحصائية العضو]

<span style='color:green'><div align="JUSTIFY">مالكم لا بالطويله ولا القصيرة

البارح اتصل علي المواطن ابو عبدالله وهو من سكان البديعة الشارع العام وكان بيني وبينه هذه المكالمة

ابو عبدالله : السلام عليكم

شـعــف : وعليكم مثله او ازين شوي

ابو عبدالله : الأخ شـعــف

شـعــف : لا غلطان (احسبه مباحث)

ابو عبدالله : شدعوا يابو الشعاشف علينا

شـعــف : هلا والله ابو عبدالله والله ماعرفتك

ابو عبدالله : الله لنا من صرت كاتب شكاوي وراسك كابر علينا

شـعــف : لا بس نعرف شكاوي الناس واجد والواحد ما يفضي يحك راسه , شكل عندك شكواى ؟

ابو عبدالله : ايه والله

شـعــف : عطنياه تراي مشغول وراي قضايا اراضي وطلاق وديون وتعذيب معتقلين وارهابيين .......الخ

ابو عبدالله : لا قضيتنا صغيرة وشخصية شوي , هذا سلمك الله .؟؟؟؟؟المراقب اللي بمصلحة المياه بعينزة

شـعــف : معروف احد يجهل ذاك المطفوق

ابو عبدالله : ايه والله احد يجهل طفاقته , المهم جيرننا يغسلون حوشهم من العصر ومسيحين الماء بالشارع وصادفة ان بيارتنا فايضة

شـعــف : بعد ان طقيت اللطمة قلت له اسلم

ابو عبدالله : وجاء هذا المراقب المطفوق يبي يحط مخالفة هلى بابنا , وقلت له يا مطفوق الماء جاي من هنااااااااااااك مهوب من بيتنا وهذا الماء اللي تشوف ماء بيارة فقال زين وراح يشوف البيت اللي سايح منه الماء وفعلاً كان واضح ان الماء سايح من ذاك البيت
فرجع وطق المخالفة على بيتنا
وقطع الماء عنا
واخويه الصابون بعينه لان الماء مقطوع :cr

شـعــف : وراه صتيمه ذا

ووراك تطيعه كان منعته

ابو عبدالله : يابن الحلال تردي وراه هو زين كذا

شـعــف : وراه ؟

ابو عبدالله : البيت اللي يطلع منه الماء يقربون له , وهو جاه بلاغ ولازم يلصق الستكر لو على برادة مسجد علشان الترقيه اللي أنت خابر

شـعــف : آه آه عرفت الحين و بس انت متأكد انه يقرب لهم

ابو عبدالله : ايه هو يصير.......................... (بداة اسامي الحريم ومن ادبي حذفتها)

شـعــف : طيب والمطلوب

ابو عبدالله : ابدا سلمك الله ارسل لوزير مصلحة المياه

شـعــف : مهوب اختاصي الوزراء انا اكتب بالمنتديات وارسل للأمير فيصل بن بندر فقط ولا لي علاقة باي جهه اخرى

ابو عبدالله : طيب ارسل للأمير وخله يشوف حالنا بعنيزة وقله ترانا تبهذلنا من المسئولين

شـعــف : والله عجزت وانا اكتب لا سموه مايقصر بس المشكلة ان المسئولين بعنيزة يسيطرون على منتديات عنيزة واي شي يمس عملهم يحذف ماعلينا ,,, أنتم ما اتصلتوا بالمصلحة ساعة الحادثة ؟

ابو عبدالله : إلا كلمنا الطواري وكلمنا مراقب ثاني وحضر للموقع وشهد على الحادثة وعلى المخالفة وعلى قطع الماء واتصل بالمسئول عليهم وقاله وطلب منه الحضور

شـعــف : طيب جاء

ابو عبدالله : والله ما ادري انا رحت للدوام بس ما اظنه جاء

شـعــف : وراه كل ذا اهمال

ابو عبدالله : تقدر تقول بس معذور عنده طلعت بر اليوم الأحد وطلعت موظفين المصلحة كل احد

شـعــف : واخوك يبي يقعد الصابون بعنيه لين يجون من البر :cr

ابو عبدالله : لا هذا ابو راح يجيب ماء له من المسجد

شـعــف : الحمدلله على السلامة

ابو عبدالله : الله يسلمك لس تكفى لا تخلي الموضوع

شـعــف : ولا يهمك


أن التخبط الذي تعيشه مدينتي هو بسبب عدم وجود مسئول أمين ومؤهل بشكل جيد

فأكثر الدوائر الحكومية ينتشر بها الفساد وما سبق لا شك هو....... قبل ان يكون إداري

ياسمو الأمير فبصل بن بندر

كل راع مسئول عن رعيته

وانت وليت من قبل ولي الامر

ونحن في ذمتك الأن فأنت المسئول عن مسئولين عنيزة

اوقفهم

اطردهم

استبدلهم

قلنا من قبل ادمج جميع المؤسسات الحكوميه في عنيزة فما العيب في هذا

____________________________________





كتبه واملاه وراجعه واخرجه
الشاعف
شـعــف بن شعفون المنشعف
عنيزة شارع الشعافه
ميدان المنشعفه
شـعــف دوت شـعــفه

</div></span>

[معلومات العضو الوسمي عضو متوهج بالعطاء إحصائية العضو]

اخوي الحبيب شعف ..

السلام عليكم ..


قرأنا وجه نظرك وانتقادك ولكن باقي الطرف الثاني يمكن كل عيونه مفقوعه ؟؟؟


والله كل شي جائز هالأيام

[معلومات العضو ولد الديرة عضو نشيط إحصائية العضو]

<div align="center">

أخي الكريم شعف
من غير المنطق أن نصف تصرف فردي من مراقب بالفساد الإداري لدائرة حكومية بأكملها مع تقديري لك كشخص تبحث عن المصلحة والحقيقة ونحن معك نبحث عن التصحيح لبعض التصرفات من أفراد وإحقاق الحق لصاحبه أيً كان
أما الميول من البعض والتغاضي عن بعض المخالفات لمصالح معينة أما لجاه أومعرفة أوقرابه فهي ليست وليدة اليوم وليست في عنيزة فقط وهذا عائد بالطبع لقلة الوعي ولضعف أمانة بعض من أوكل لهم إدارة مصالح الناس ومع ذلك الأبواب لم تؤصد بعد في الوجوه </div>